Новости

 

Врз основа на член 25 став 2 од Законот за филмската дејност („Сл. Весник на РМ’’ бр.82/13, 18/14, 44/14, 129/15,152/15 и 39/16), Агенцијата за филм на Република Македонија објавува


КОНКУРС ЗА ФИНАНСИРАЊЕ НА ПРОЕКТИ ОД НАЦИОНАЛЕН ИНТЕРЕС ВО ФИЛМСКАТА ДЕЈНОСТ


I ОПШТИ ИНФОРМАЦИИ
Конкурсот се распишува за финансирање на проекти за:

I.1. организирање на домашни фестивали и други филмски манифестации  од меѓународен карактер во 2018 година и
I.2   поддршка на производство на други аудиовизуелни дела- (играна серија и документарна серија) во 2018 година.
I.3 други проекти од национален интерес во филмската дејност и тоа:

-Едукативни програми и програми за развој и унапредување на филмската култура и кинематографија
-Поддршка за членство на Република Македонија во меѓународни филмски организации
 
Повеќе, ОВДЕ

-----

 

Македонскиот филм „Исцелител“ селектиран на најголемиот филмски фестивал во Норвешка – Тромсо

Филмот „Исцелител“ на режисерот Ѓорче Ставрески ќе ја има својата норвешка премиера на најголемиот интернационален филмски фестивал во земјата – Тромсо.

Повеќе, ОВДЕ.

 

Отворен е повикот за ко-продукцискиот маркет CineLink во Сараево

Сараевскиот Филмски Фестивал го објави првиот повик за аплицирање за копродукцискиот маркет CineLink 2018 година. Крајниот рок за поднесување на проектите е 10 февруари 2018 година.

Повеќе, ОВДЕ.

 

Отворен е повикот за BDC Discoveries 2018

Отворен е повикот на BDC Discoveries 2018 за документарни филмаџии и филмски проекти, кои доаѓаат од Балканот или обработуваат теми поврзани со Балканот и би сакале да соработуваат со овој регион. Краен рок за аплицирање е 5 март 2018 година.

Повеќе, ОВДЕ.

 

„Бикини мун“ на Манчевски ја освои бразилската критика

Новиот филм на Милчо Манчевски „Бикини мун“, сниман во Њујорк како американска продукција, ја имаше светската премиера на фестивалот во Сао Пауло, Бразил.

Повеќе, ОВДЕ.

 

Отворен е повикот за First Films First 2018

Ве известуваме дека е отворен повикот за пријавување на програмата First Films First на Гете Институтот. Рокот за пријавување е 1ви март 2018та година.

Повеќе, ОВДЕ.

 

„Исцелител“на HBO каналот Cinemax 2 за Нова година

Филмот „Исцелител“ на режисерот Ѓорче Ставрески премиерно се емитуваше во ударен термин на новогодишната ноќ на престижниот филмски канал Cinemax 2 од семејството на HBO канали, како прв македонски филм кој е дел од понудата на видео стриминг услугата HBO GO.

Повеќе, ОВДЕ.

 

Отворен е повикoт за апликација на проекти „FEST Forward - Жени во филм“

Филмскиот Центар на Србија и Европската аудиовизуелна мрежа на жени, ги повикуваат продуцентите да ги поднесат своите проекти на меѓународниот пичинг форум „Жени во филм“, кој ќе се одржи од 1 до 3 март 2018 година, како дел од копродукцискиот маркет FEST FORWARD на претстојниот 46-ти ФЕСТ во Белград, Србија.

Повеќе, ОВДЕ.

 

Џифони Македонија Патува во Тетово

На 22 и 23 декември во Тетово ќе се одржи „Џифони Македонија Патува“ како патувачки дел од фестивалот во помалите градови од Македонија.

Повеќе, ОВДЕ.

 

„Разговор за животот” на Агим Абдула на бројни меѓународни фестивали

Филмскиот проект „Разговор за животот” во режија на Агим Абдула и поддржан од Агенцијата за филм на РМ во рок од еден месец влезе во официјалната селекција на овогодинешните изданија на три меѓународни фестивали во Индија - во Делхи, Мумбаи и Колката.

Повеќе, ОВДЕ.

 

„Исцелител“ со награда во Брисел и рецензии во реномирани списанија

Филмот „Исцелител“ на режисерот Ѓорче Ставрески ја доби специјалната награда од жири за сценарио на 17-тото издание на Медитеранскиот филмски фестивал во Брисел кој се одржа од 2 до 9 декември.

Повеќе, ОВДЕ.

 

„Види ја ти неа“ на најпрестижниот фестивал за краток филм во светот

Кратометражниот игран филм „Види ја ти неа“ влезе во официјалната програма на најпрестижниот фестивал на светско ниво посветен на краткиот филм кој веќе четириесет години се одржува во Клермон - Феран во Франција.

Повеќе, ОВДЕ.

 

„Види ја ти неа“ на Столевски во официјална програма на Санденс

Kратометражниот игран филм „Види ја ти неа“ на режисерот Горан Столевски, кој ја освои Наградата Мала Камера 300 на овогодинешното издание на ИФФК „Браќа Манаки“, влезе во официјалната селекција на краток филм на 34. Филмски Фестивал во Санденс.

Повеќе, ОВДЕ.

 

Музичкиот документарец „Мојот превртен свет“ на фестивалот Синема Верите во Техеран

Документарниот филм „Мојот превртен свет“, влезе во официјалната селекција на 11-то издание на Меѓународниот документарен филмски фестивал Синема Верите во Техеран, Иран кој ќе се одржи од 10ти до 17ти декември 2017та година.

Повеќе, ОВДЕ.

 

Манчевски како ментор на 23от Белградски Авторски филмски фестивал

Во рамките на 23от Авторскиот филмски фестивал кој се одржа од 27ми ноември до 3ти декември во Белград успешно заврши третиот модул на тренинг програмата FIRST FILMS FIRST на која македонскиот режисер  и добитник на Златен Лав, Милчо Манчевски одржа мастер клас на тема насочување на актери.

Повеќе, ОВДЕ.

 

“Кога денот немаше име” на Теона Стругар Митевска се закити со уште две награди

Македонскиот филм “Кога денот немаше име” на Теона Стругар Митевска покрај наградата која ја понесе на Синеуропа, фестивалот на европски филм во Лече, Италија, се закити со уште две престижни награди.

Повеќе, ОВДЕ.

 

-----

Врз основа на член 25 став 1 од Законот за филмската дејност („Службен весник на РМ“’ бр.82/13, 18/14, 44/14, 129/15, 152/15и 39/16), Правилникот за поблиски критериуми и мерила за оцена на критериумите за финансирање на филмски проекти од националенен интерес во филмската дејност („Службен . весник на РМ“ бр.97/14) и Одлуката бр.02-1367/1 од 08.11.2017 година за поништување на Конкурсот за финансирање на проекти за производство на долгометражеен и краткометражен документарен и анимиран филм за 2017 година, Агенцијата за филм на Република Македонија објавува:


КОНКУРС

 ЗА ФИНАНСИРАЊЕ НА ПРОЕКТИ ЗА ПРОИЗВОДСТВО НА

ДОЛГОМЕТРАЖЕН И КРАТКОМЕТРАЖЕН ИГРАН, ДОКУМЕНТАРЕН И АНИМИРАН ФИЛМ ЗА 2017

 

ВОВЕДНА НАПОМЕНА

Согласно член 25 став (1) од Законот за филмската дејност, за финансирање на проекти за производство на долгометражен и краткометражен, игран, документарен и анимиран филм(во натамошниот текст:филмски проекти) Агенцијата во јануари во тековната објавува конкурс кој трае во текот на целата година, а одлучува по доставените филмски преокти на конкурсот два пати годишно во април и во октомври во тековната година.

Повеќе, ОВДЕ

-----

 

Во тек е снимањето на филмот „Ефектот на среќа“ во режија на Борјан Зафировски

Повеќе од две недели екипата која работи на филмот „Ефектот на среќа“ (The happiness effect) во режија на Борјан Зафировски снима приказна за универзалната потрага по среќа на различни локации низ Скопје и Охрид, а во моментов се работат сцени во студиото на Fx3x.

Повеќе, ОВДЕ.

 

Пред-селекција за Берлинале 2018 во Скопје

Оваа година Пред селекцијата за 68 издание на Берлинскиот Филмски Фестивал, за филмови од земјите од регионот, се одржува во Скопје во период од  15 до 17 Ноември во Скопје.

Повеќе, ОВДЕ.

 

„Исцелител“ со награда од публиката на фестивалот во Солун

Филмот „Исцелител“ на македонскиот режисер Ѓорче Ставрески ја освои наградата од публика во рамките на „Balkan Survey“ програмата на Солунскиот филмски фестивал.

Повеќе, ОВДЕ.

 

 

И З В Е С Т У В А Њ Е

Врз основа на член 18 став (1) алинеи 1 и 7, а во врска со член 25 став (1) од Законот за филмската дејност („Службен весник на РМ“ бр.82/13, 18/14, 44/14, 129/15, 152/15 и 39/16), директорот на Агенцијата за филм на Република Македонија донесе Одлука  бр.02-1367/1 oд 08.11.2017 година за поништување на Конкурсот за финансирање на проекти за производство на долгометражен и краткометражен игран, документарен и анимиран филм објавен на 10.02.2017 година

Конкурсот за финансирање на проекти за производство на долгометражен и краткометражен игран, документарен и анимиран филм објавен на 10.02.2017 година на веб страницата на Агенцијата за филм на Република Македонија и во дневните весници “Вечер” и “Лајм” СЕ ПОНИШТУВА со Одлука бр.02-1367/1 донесена од страна на в.д директорот на ден 08.11.2017 година.

                                                                                                                                           Горјан Тозија, в.д. Директор

 

 

„Ослободување на Скопје“ со награда за најдобро сценарио на Арпа Филм Фестивал

На дваесеттото јубилејно издание на Интернационалниот Арпа Филм Фестивал, кој од 3 до 5 Ноември се одржа во Egyptian Theater во Холивуд, македонскиот игран филм „Ослободување на Скопје“, во режија на Данило и Раде Шербеџија, ја доби наградата за најдобро сценарио.

Повеќе, ОВДЕ.

 

Започна 16. издание на Синедејс

Во периодот од 9. до 19. ноември 2017 година, во организација на Младинскиот културен центар се одржува шеснаесеттото издание на Фестивалот на европски филм Синедејс, кој и оваа година како и сите претходни, ќе се обиде да го задоволи изградениот вкус на својата многубројна и верна публика. Фестивалот се одржува под мотото „Скопска линија, европска вожња или зошто омилената станица во Скопје е токму фестивалот Синедејс.

Повеќе, ОВДЕ.

 

Премиера на филмот „Исцелител“ на Ѓорче Ставрески во Солун

Долгометражниот игран филм „Исцелител“ на режисерот Ѓорче Ставрески ја имаше својата светска премиера на 58. издание на Меѓународниот филмски фестивал во Солун.

Повеќе, ОВДЕ.

 

Проектот „Сестра“ доби поддршка од SEE Cinema Network

Во период од 8. до 9. ноември во Солун, Грција, присуствуваа претставници од земјите членки на Меѓународната филмска мрежа на Југоисточна Европа (SEE Cinema Network) од Албанија, Кипар, Грција, Романија и Србија, меѓу кои и в.д. директорот на Агенцијата за филм на Република Македонија, г. Горјан Тозија.

Повеќе, ОВДЕ.

 

ЈАВНА ОБЈАВА Врз основа на член 11 став 2 алинеја 4 од Законот за филмската дејност („Службен весник на РМ“ бр.82/13, 18/14, 44/14, 129/15 и 152/15), Агенцијата за филм на Република Македонија стекнува средства и од надоместоци на правни лица утврдени со член 12 од Законот за филмската дејност.
Подетално, ОВДЕ

 

Известување за оние кои сеуште немаат постапено согласно Законот за филмската дејност(„Службен весник на РМ“ бр. 82/13, 18/14 и 44/14)

Согласно член 40 од Законот за филмската дејност правните лица кои вршат филмска дејност се должни до Агенцијата да ги доставуваат податоците за долу наведените евиденции кои се составен дел на единствената евиденција која ја води Агенцијата и тоа за:
- Евиденција за филмските продуценти, за дистрибутерите на филмови и за киноприкажувачите во Република Македонија
- Евиденција за филмови снимени со средства од Буџетот на Република Македонија
- Евиденција за филмови снимени во Република Македонија
- Евиденција за филмови дистрибуирани во Република Македонија
- Евиденција за филмови што се прикажани во кината во Република Македонија

Подетално, ОВДЕ

 

ОБЈАВА
ПОТТИКНУВАЊЕ НА ВЛОЖУВАЊА СРЕДСТВА ВО ФИЛМСКИ, ОДНОСНО ТЕЛЕВИЗИСКИ ПРОЕКТ

Агенцијата за филм на Република Македонија согласно Законот за филмската дејност (Службен весник на РМ бр.82/2013, 18/2014 и бр.44/2014) почнувајќи од оваа година ќе ги поттикнува вложувањата на средства во филмски, односно телевизиски проекти со примена на мерката ПРАВО НА ПОВРАТ НА ВЛОЖЕНИТЕ СРЕДСТВА.


Подетално, ОВДЕ