Новости

Македонија со „Дивата круша“ на Нури Билге Џејлан на Канскиот филмски фестивал

 

Преку продуцентската куќа „Сестри и Брат Митевски Продукција“, Македонија учествува во најновиот филм на генијалниот Нури Билге Џејлан - ДИВАТА КРУША, кој е селектиран во главната програма на Канскиот Филмски Фестивал. Оваа соработка и го носи на Македонија – како земја ко продуцент, второто учество на Канскиот филмски фестивал во главната програма, после 2016 година кога прв пат учествуваше со копродукцијата СИЕРА НЕВАДА на Кристи Пују, исто така преку продуцентската куќа „Сестри и Брат Митевски Продукција“.  Премиерата на ДИВАТА КРУША е закажана за 18-ти мај.

Повеќе, ОВДЕ.

 

„Кружно патување на монахот“ на Жарко Иванов со меѓународна премиера во Билбао

 

Tретиот дел од трилогијата Кружно патување, краткиот анимиран филм Кружно патување на монахот (The Monk), во режија на Жарко Иванов, ја имаше својата меѓународна премиера во официјалната конкуренција на фестивалот за анимиран филм Анимаком во Билбао, Шпанија.

Повеќе, ОВДЕ.

 

„Исцелител“ е најдобар дебитански филм во Југоисточна Европа


Филмот „Исцелител“ на режисерот Ѓорче Ставрески е добитник на наградата за најдобар дебитански филм на филмскиот фестивал Let’s CEE во Виена, Австрија. Филмот се натпреваруваше во официјалната програма заедно со уште 13 филмови. Покрај „Исцелител“ уште еден македонски филм освои награда на Let’s CEE, „Види ја ти неа“ на Горан Столевски кој  ја доби наградата за најдобар краток филм.

Повеќе, ОВДЕ.

 

Четврта Гранд При награда и Скопска премиера за „Види ја ти неа“

 

Скопската публика ќе има можност да го гледа кратометражниот игран филм „Види ја ти неа“ како дел од програмата на 21. Скопски филмски фестивал. Проекцијата е на распоредот на 23-ти април (понеделник) во 19 часот во Кино Милениум.Филмот викендов ја освои четвртата Гранд при награда на 6. LET’S CEE филмскиот фестивал во Виена.

Повеќе, ОВДЕ.

 

Отворено 21 издание на Скопски Филмски Фесивал со премиера на новиот филм на Владимир Блажевски - „Година на мајмунот“


Најновото остварување на Владимир Блажевски  - „Година на мајмунот“ вчера вечер го отвори 21. Скопје филм фестивал. Филмот е во копродукција меѓу Македонија, Србија, Словенија и Косово.

Главната улога ја игра Игор Ангелов, а во останатите улоги играат Марија Кон, Решит Береда, Рефет Абази, Тања Кочовска, Петер Елиот. Директор на фотографија е Димо Попов. Филмот се снимаше во 2016 година на 80-ина локации низ Македонија.

По официјалната премиера, „Година на мајмунот“ од денес продолжува да се прикажува во киносалите на „Синеплекс“, а светска премиера ќе има на 23 април на Московскиот меѓународен филмски фестивал.

Повеќе, ОВДЕ.

 

Светска премиера на филмот "The Beginning" на Агим Абдула на INTERNATIONAL FILMMAKER FESTIVAL OF NEW YORK


Краткометражниот игран филм "The Beginning" во режија и сценарио на Агим Абдула и продукција на Галактика Пиктуурес е официјално примен во натпреварувачката категорија на “INTERNATIONAL FILMMAKER FESTIVAL OF NEW YORK”.

Повеќе, ОВДЕ.

 

Премиера на документарниот филм „Кобра“ на Скопски Филмски Фестивал

 

Најновото остварување на Скопје Филм Студио, долгометражниот документарен филм Кобра посветен на боречката легенда Шабан Трстена ќе биде премиерно прикажан на претстојниот 21. Скопски филмски фестивал, на 20-ти април со почеток во 19 часот, во киното Милениум ГТЦ Скопје.

Повеќе, ОВДЕ.

 

„Последните камбани“ во нови фестивалски улоги

Филмот „Последните камбани“ во режија на Николче Поповски кој својата премиера ја имаше на Светскиот филмски фестивал во Монтреал и воедно ја освои првата награда за најдобар краток филм, продолжува со нови фестивалски прикажувања.

Повеќе, ОВДЕ.

 

„Исцелител“ избран во официјална конкуренција на три меѓународни фестивали

„Исцелител“ е избран во официјална конкуренција на уште три меѓународни филмски фестивали, и тоа во Кливленд (САД), Виена (Австрија) и Пекинг (Кина).

Повеќе, ОВДЕ.


Премиера на македонско-косовската ко-продукција „Враќање“ на Кастриот Абдули

Премиерата на филмот „Враќање“ или “Kthimi” во режија на Кастриот Абдули ќе се одржи на 18-ти април 2018 година во 20:00 часот во киното CINEPLEXX во Скопје Сити Мол.

Повеќе, ОВДЕ.

 

Прифатени проекти за производство на други аудиовизуелни дела  и други проекти од национален интерес во филмската дејност

Согласно објавениот Конкурс на 27.12.2017 година за финасирање на проекти од национален интерес во филмската дејност за поддршка на производство на други аудиовизуелни дела (играна серија и документарна серија) и други проекти од национален интерес во филмската дејност (едукативни програми и програми за развој и унапредување на филмската култура и кинематографија и поддршка за членство на Република Македонија во меѓународни филмски организации) во 2018 година, а  во согласност со критериумите и условите на Конкурсот како и финансиските можности на Агенцијата за филм на Република Македонија, Управниот Одбор донесе одлука за поддршка на проекти.

Повеќе, ОВДЕ

 

Прифатени проекти за организирање на домашни фестивали и други филмски манифестации од меѓународен карактер за 2018 година

Соглсно објавениот Конкурс за финансирање на проекти од национален интерес во филмската дејност за организирање на домашни фестивали и други филмски манифестации од меѓународен карактер во 2018 година, при одлучувањето Агенцијата за филм  се раководеше од приоритетите и критериумите за вреднување на пристигнатите пријави, како и според рестриктивниот овогодишен буџет и пристапи кон спроведување на законската процедура.
Агенцијата за филм согласно Нацрт-стратегијата за културен развој 2018-2022 година на Министерството за култура се водеше и од неопходноста за квалитетна селекција на поддршката  на филмски фестивали и нејзина децентрализација.
По разгледувањето на  сите пристигнати пријави за организација на филмски фестивали и манифестации во 2018 година од страна на членовите на Филмскиот совет беше констатирано дека е преголем бројот на филмски фестивали кои се организираат во Република Македонија. Повеќето од фестивалите не се разликуваат по концептот и програмите, а и не го потврдуваат квалитетот и оправданоста за нивното опстојување.  Поединечно беа евалуирани сите пријавени фестивали и согласно критериумите акцентот беше ставен на веќе етаблираните и квалитетни фестивали чие реноме, традиција, континуитет и афирмативни вредности на филмската култура во Република Македонија го потврдуваат тоа.

Повеќе, ОВДЕ

 

Отворен повик за TFL Audience Design Fund 2018

Ве известуваме дека е отворен новиот повик за аплицирање за TFL Audience Design Fund 2018 чиј рок е 1ви јули 2018 година, 12 часот на пладне по централно европско време.

Повеќе. ОВДЕ.

 

Рокови за пријавување на меѓународни филмски фестивали април-мај 2018

Ве информираме дека во текот на април и почетокот на мај 2018 година ќе истечат роковите за пријавување на меѓународните фестивали. Воедно, информации за повеќе меѓународни фестивали по месеци на одржување и крајни рокови за пријавување, можете да видите на следниот линк: http://www.filmfund.gov.mk/Festivali/International-festivals

Повеќе, ОВДЕ.

 

Седмо издание на „Наградата на млада публика“ на Европската филмска академија вклучува рекордни 45 градови во 36 земји

Македонија и Скопје домаќини по четврти пат

На 6ти мај, трите номинирани филмови за Наградата на млада публика 2018 на Европската филмска академија ќе бидат прикажани пред публика меѓу 12 и 14-годишна возраст во 36 земји низ Европа и пошироко, меѓу кои и Македонија, која оваа година по четврти пат е домаќин на овој настан. 

Повеќе, ОВДЕ

 

„Борба за смрт“ со телевизиска дистрибуција во Европа, САД и Азија

 

Краткометражниот филм „Борба за смрт“ е еден од ретките филмови кој обезбеди телевизиска дистрибуција, преку каналот Shorts TV, во Европа, Азија и Северна Америка, со што наградуваниот филм на авторката Елеонора Венинова продуциран од Гоце Кралевски од ДНФ филмс ќе стане достапен за милионската публика на овие континенти.

Повеќе, ОВДЕ

 

Гран При за „ВИДИ ЈА ТИ НЕА“  


Вчера вечер во Домот на младите во Белград, на церемонијата на затворањето на 65.Мартовски-Белградскиот фестивал на документарен и краток филм, Види ја ти неа во режија на Горан Столевски ја освои Гранд При наградата за најдобар интернационален краткометражен игран филм.

Повеќе, ОВДЕ

 

Повик за аплицирање – Меѓународен филмски фестивал Токио 2018


Ве информираме дека од 25-ти октомври до 3-ти ноември 2018 година во Токио, Јапонија ќе се одржи Меѓународниот филмски фестивал во организација на UNIJAPAN.  Во текот на десетте дена од фестивалот, филмови од различни жанрови ќе бидат прикажани во неколку секции. На еден филм од натпреварувачкиот дел, внимателно одбран меѓу премиерите од талентирани  дебитанти и признати режисери, ќе му биде доделена наградата Токио Гран-при која изнесува 50 000 долари. Рокот за пријавување ќе започне во април 2018 година. Повеќе информации на www.tiff-jp.net и на е-маил адресата: competition2018@tiff-jp.net.

 

„Исцелител“ освои  четири нови награди и се прикажа во Прага


Филмот „Исцелител“ минатата недела освои уште четири значајни награди на престижни меѓународни филмски фестивали. На филмскиот фестивал во Обањ, Франција тој беше избран за најдобар филм во главната натпреварувачка конкуренција, во конкуренција со 9 други филмови.  На филмскиот фестивал во Бергамо, Италија исто така беше избран за најдобар филм во главната натпреварувачка конкуренција. На филмскиот фестивал „Франкофилм“ во Рим, Италија доби специјална награда од жири, а специјална награда освои и на филмскиот фестивал во Софија, од жирито на Балканската програма.

Повеќе, ОВДЕ

 

„Види ја ти неа“ во Опасно добри филмови


Победникот на Санденс, краткометражниот игран филм „Види ја ти неа“ во режија на Горан Столевски ќе се натпреварува во програмата 6. LET’S CEE Филмски Фестивал во Виена. 

Повеќе, ОВДЕ

 

„Ослободување на Скопје“ продаден во Кина


Македонско –хрватскo-финскo-британската копродукција „Ослободување на Скопје“ од Раде и Данило Шербеџија е продадена во Кина. Селс агентите на филмот изјавиле за Film New Europe дека интересот е исто така изразен и од повеќе јужноазиски територии, вклучувајќи ги Тајван, Сингапур и Малезија.

Повеќе, ОВДЕ

 

Отворен повик за аплицирање за „Emerging Producers 2019“

Ве информираме дека седмото издание на промотивниот и едукативен проект “Emerging Producers” ќе се одржи од 25-ти до 30-ти октомври во Јахлава и од 4-ти до 8-ми февруари во Берлин во 2019 година.

Повеќе, ОВДЕ.


Дали сте млад филмски професионалец? Сега е полесно да се приклучите на Европската филмска академија!



Минатото лето Европската филмска академија започна кампања за млади европски филмски професионалци под 36-годишна возраст да станат членови со намалена годишна членарина (100 евра наместо 200 евра додека наполнат 36 години).

Повеќе, ОВДЕ.

 

Македонска премиера на „Бикини Мун“, специјална награда од жирито на Фантаспорто, Португалија

На 22 март со почеток во 20 часот во кино Милениум ќе биде премиерата на „Бикини Мун“, најновиот американски филм на македонскиот режисер Милчо Манчевски.

Повеќе, ОВДЕ.

 

Филмот „Исцелител“ избран да учествува на „Косморама“ во Трондхајм , „Бергамо филм митинг“ и „Софија Филм Фест“

Филмот „Исцелител“ е избран во официјална селекција на „Косморама“ во Трондхајм, еден од најголемите и најактуелни филмски настани во Норвешка. По норвешката премиера на филмот во јануари на фестивалот во Тромсе, ова ќе биде негово второ прикажување во оваа земја.

Повеќе, ОВДЕ.

 

„Три дена во Септември“ со уште една награда за најдобар филм

Три дена во септември - копродукција помеѓу Скопје Филм Студио и Иконе Студио од Косово - во режија на Даријан Пејовски ја доби наградата за најдобар филм на филмскиот фестивал Balkan Florence Experience кој се одржа по 6-ти пат  во Фиренца, Италија од 22 до 25 февруари

Повеќе, ОВДЕ.

 

Македонски филмови на Европскиот филмски маркет

Oваа година во организација  на Агенцијата за филм на Европскиот филмски маркет во Берлин во рамките на Берлинале беа претставени три нови македонски филмови пред филмските професионалци, копродуценти и фестивалски селектори.

Повеќе, ОВДЕ.

 

Манчевски избран за претседател на жирито на Белградски Фест, Бикини Мун со американска премиера на Синеквест и прикажување на Софија Филм Фест

                                                          

Македонскиот режисер, сценарист, фотограф и уметник Милчо Манчевски кој живее и работи во Њујорк е избран за претседател на жири-комисијата во главната програма на 46. Меѓународен филмски фестивал ФЕСТ во Белрад кој ќе се одржи од 23 февруари до 3 март оваа година.

Повеќе, ОВДЕ.

 

-----

Врз основа на член 25 став 1 од Законот за филмската дејност („Службен весник на РМ“’ бр.82/13, 18/14, 44/14, 129/15, 152/15, 39/16, 58/16 и 11/18), Правилникот за поблиски критериуми и мерила за оцена на критериумите за финансирање на филмски проекти од националенен интерес во филмската дејност („Службен . весник на РМ“бр.97/14), Агенцијата за филм на Република Македонија објавува:


КОНКУРС ЗА ФИНАНСИРАЊЕ НА ПРОЕКТИ ЗА ПРОИЗВОДСТВО НА ДОЛГОМЕТРАЖЕН И КРАТКОМЕТРАЖЕН ИГРАН, ДОКУМЕНТАРЕН И АНИМИРАН ФИЛМ ЗА 2018 ГОДИНА


I. Општи информации
Конкурсот се распишува за производство на:
-    долгометражен (игран, документарен и анимиран) филм и
-    краткометражен (игран, документарен и анимиран) филм
Конкурсот е отворен во текот на целата година, а одлучувањето по доставените филмски проекти е двапати годишно и тоа: во Април и во Октомври.

Крајниот рок за доставување на пријави е:

-  За првиот рок најдоцна до 12.03.2018г. (понеделник)
-  За вториот рок најдоцна до 15.08.2018г. (среда)

Филмот во зависност од креативното и финансиското учеството на Република Македонија може да биде:
-    Домашен филм, односно национален филм и мнозинска копродукција и
-    Ко-продукциски филм со малцински финансиски удел на Република Македонија (малцински ко-продукции)

Повеќе, ОВДЕ

-----

 

ЈАВНА ОБЈАВА Врз основа на член 11 став 2 алинеја 4 од Законот за филмската дејност („Службен весник на РМ“ бр.82/13, 18/14, 44/14, 129/15 и 152/15), Агенцијата за филм на Република Македонија стекнува средства и од надоместоци на правни лица утврдени со член 12 од Законот за филмската дејност.
Подетално, ОВДЕ

 

Известување за оние кои сеуште немаат постапено согласно Законот за филмската дејност(„Службен весник на РМ“ бр. 82/13, 18/14 и 44/14)

Согласно член 40 од Законот за филмската дејност правните лица кои вршат филмска дејност се должни до Агенцијата да ги доставуваат податоците за долу наведените евиденции кои се составен дел на единствената евиденција која ја води Агенцијата и тоа за:
- Евиденција за филмските продуценти, за дистрибутерите на филмови и за киноприкажувачите во Република Македонија
- Евиденција за филмови снимени со средства од Буџетот на Република Македонија
- Евиденција за филмови снимени во Република Македонија
- Евиденција за филмови дистрибуирани во Република Македонија
- Евиденција за филмови што се прикажани во кината во Република Македонија

Подетално, ОВДЕ

 

ОБЈАВА
ПОТТИКНУВАЊЕ НА ВЛОЖУВАЊА СРЕДСТВА ВО ФИЛМСКИ, ОДНОСНО ТЕЛЕВИЗИСКИ ПРОЕКТ

Агенцијата за филм на Република Македонија согласно Законот за филмската дејност (Службен весник на РМ бр.82/2013, 18/2014 и бр.44/2014) почнувајќи од оваа година ќе ги поттикнува вложувањата на средства во филмски, односно телевизиски проекти со примена на мерката ПРАВО НА ПОВРАТ НА ВЛОЖЕНИТЕ СРЕДСТВА.


Подетално, ОВДЕ