Пријавувањето за „Pitch Balkan“ и „Albascript Plus“ отворено до 10 Септември

05/09/2017

 

Во рамките на Балканскиот Филмски Маркет, кој од 02 до 07 октомври 2017, ќе се одржи во Тирана, Албанија, ќе се реализираат две програми за филмски професионалци, „Pitch Balkan“ и „Albascript Plus“. Пријавувањето е отворено до 10 Септември.

Со цел да се охрабри продукцијата на балканските филмови, да се поттикне регионалната соработка и да се зајакне копродукцијата преку привлекување проекти кои би се снимале во регионот, Балканскиот Филмски Маркет го објави повикот за учество и претставување на проекти во рамките на „Pitch Balkan“.

„Pitch Balkan“ ќе се одржи од 4 до 7 октомври и е отворен за европски или регионални филмаџии, кои работат на развој на нивниот прв или втор игран или документарен филм и имаат обезбедено најмалку 10% од потребните средства за реализација. Пријавување и повеќе информации.

Врз основа на искуството на локалната работилница Albascript 2016, новоформираниот „Albascript Plus“ е отворен за долгомоетражни и кратки играни филмови на филмски автори од балканскиот регион.

„Albascript Plus“ е петдневна дневна работилница која на сценаристите им нуди можност интензивно да работат на своите сценарија во средина структурирана за да ја поттикне регионалната соработка и развојот на квалитетот. Пријавување и повеќе информации.