Доделени наградите на второто издание на фестивалот „Киненова“

30/10/2017

 

Второто издание на Меѓународниот филмски фестивал „Киненова“ Скопје 2017, се одржа од 6 до 11 Октомври.

Наградата за најдобар филм на фестивалот ја доби филмот „Фамилија“ на Густаво Рондон Кордова (Венецуела), босанскиот филм „Мажите не плачат“ на Ален Дрљевиќ ја доби наградата за најдобар режисер, израелскиот филм „Една недела и еден ден“ на Асаф Полонски ја доби наградата за најдобро сценарио, а специјално признание од жирито доби филмот „Кула“ на режисерот Кит Мајтланд.

Во конкуренција за кратки филмови наградени се „Британец по божја волја“ од Шон Дан и „Ана“ од Марго Зубашвили, Грузија, а специјално признание доби филмот „Судир“ на Хонг Хенг Фаи од Макао.

За најдобар филм од Македонската селекција на кратки филмови беше прогласен „Долго патување до дома“ од Ибрахим Деари.

Наградата за развој на сценарио ја доби Јаков Попоски за проектот „Мост“.