Заврши снимањето на краткиот игран филм „Судир“

17/07/2017

 

Минатата саботата, на 15.07.2017, заврши снимањето на краткиот игран филм „Судир“ во режија на Дина Дума, а во продукција на Лист Продукција.

Снимањето се одвиваше во периодот од 12ти до 15ти јули на неколку локации во Маврово.

Главните улоги во „Судир“ ги играат Кристина Леловац и Ана Стојановска.

Сценариото е на Дина Дума и Марија Димитрова, директор на фотографија е Наум Доксевски, сценограф Иван Бартлинг, маскер Горан Игњатовски, костимограф Милена Атанасова, а продуцент Марија Димитрова.

Филмот се реализра со поддршка на Агенцијата за Филм на Македонија.