„Инферно“ на фестивал во Бусан

01/10/2014

    

Долгометражниот филмски проект „Инферно“, во режија на Винко Модерндорфер ќе ја доживее својата светска премиера на 19. Меѓународен филмски фестивал во Бусан, Јужна Кореја, кој ќе се одржи во период од 02-11 октомври.

Филмот ќе биде прикажан во програмата „Светски филм“ во која ќе бидат претставени 53 филма од светски автори  од 33 земји од континентите надвор од Азија.

„Инферно“ е копродукција меѓу Словенија/Хрватска/Србија  и Македонија. Македонски продуценти на филмот се Владимир Анастасов и Ангела Несторовска, а во главните улоги настапуваат Марко Мандиќ, Медеа Новак, Марко Буквиќ, Лара Волавшек, Ренато Јенчек и Јернеј Шугман.

Повеќе информации на фестивалот на http://www.biff.kr