Македонски Филмови Фестивали Фестивали во Македонија Фестивали на Македонски Филм Интернационални Фестивали Категоризација на Филмски Фестивали Учество на македонски филмови на интернационални филмски фестивали Финансирање Конкурси Филмски проекти финансирани од страна на Агенцијата за филм Поттикнување на вложувања средства во филмски, односно телевизиски проект Брошура Каталог на Mакедонски филмови (продукција 2015 - 2016) Каталог на Mакедонски филмови (продукција 2014 -2015) Проекти реализирани во соработка со Агенцијата за филм EAVE Producers Workshop 2015 Џифони Македонија Џифони патува Европски филмски ден за млада публика Меѓународна соработка Членство во меѓународни организации Контакти од Продуцентски куќи Филмографии на Македонски Режисери Правна регулатива Јавни Набавки Корисни линкови Трејлери од Македонски филмови Каталози на Македонски филмови

Македонија по четврти пат се вклучува во Европскиот филмски ден на млада публика

26/04/2018

 

Преостануваат уште само десет дена до 6-ти мај (недела), денот кога Европскиот филмски ден на млада публика ќе го има своето седмо издание на кое ќе се избира најдобриот европски филм за деца.  Агенцијата за филм на РМ во соработка со Европската филмска академија-ЕФА по четврти пат во Скопје го организираат овој настан кој годинава се одржува во рекорден број од 46 европски градови во 37 земји.

Целодневниот настан ќе се одржи на 6-ти мај во Кинотека на Македонија.  Во жирито ќе бидат млади на возраст од 12 до 14 години, кои во текот на целодневниот настан ќе ги проследат  трите номинирани филмови,  ќе имаат можност да дискутираат за нив и директно да комуницираат со своите врсници од Европа преку пренос во живо.

Европската филмска академија оваа година ги селектираше филмовите “Girl in Flight” („Девојка во бегство“) во режија на Sandra Vannucchi, “Hobbyhorse Revolution” („Револуција на дрвените коњчиња“) во режија на Selma Vilhunen и “Wallay” („Волеј“) во режија на Berni Goldblat, кои ќе се прикажуваат истовремено во 46-те градови низ цела Европа.

По проследување на филмовите, младите преку гласање ќе треба да го изберат најдобриот европски филм кој свечено ќе биде прогласен за победник на официјалната церемонија која се одржува во Ерфурт, Германија.

За време на настанот младите од сите земји ќе бидат поврзани меѓу себе преку live stream, ќе имаат можност да бидат дел од официјалната церемонија, додека преку комуникациска платформа ќе имаат можност освен да комуницираат меѓу себе, воедно и да им поставуваат прашања на режисерите, актерите и продуцентите на филмовите.

Номинираните филмови се достапни онлајн за јавноста и може да се гледаат низ целата година. Сите информации може да се најдат на yaa.europeanfilmawards.eu.

Активностите во Скопје ќе ги организира Агенцијата за филм на РМ,  со поддршка од Кинотека на Македонија и спонзорите Добра Вода, Ладна и Витаминка.