Македонски Филмови Фестивали Фестивали во Македонија Фестивали на Македонски Филм Интернационални Фестивали Категоризација на Филмски Фестивали Учество на македонски филмови на интернационални филмски фестивали Финансирање Конкурси Филмски проекти финансирани од страна на Агенцијата за филм Поттикнување на вложувања средства во филмски, односно телевизиски проект Брошура Каталог на Mакедонски филмови (продукција 2015 - 2016) Каталог на Mакедонски филмови (продукција 2014 -2015) Проекти реализирани во соработка со Агенцијата за филм EAVE Producers Workshop 2015 Џифони Македонија Џифони патува Европски филмски ден за млада публика Меѓународна соработка Членство во меѓународни организации Контакти од Продуцентски куќи Филмографии на Македонски Режисери Правна регулатива Јавни Набавки Корисни линкови Трејлери од Македонски филмови Каталози на Македонски филмови

Македонија на 23. Сараевски филмски фестивал

26/07/2017

 

На 23. издание на Сараевскиот филмски фестивал, што се одржува во период од 11. до 18. Aвгуст 2017, Македонија ќе биде присутна со 5 филма кои добиле поддршка од Агенцијата за филм на РМ.

Во официјалната селекција за играни филмови, ќе учествува бугарско-македонско-германската ко-продукција „Насоки“ на Стефан Командарев, кој својата премиера ја имаше на овогодинешното издание на Канскиот филмски фестивал во програмата Un certain regard, а во официјаната селекција за документарен филм ќе учествува македонскиот филм „Avec L’Amour“ на режисерот Илија Цветковски, кој во мај оваа година премиерно беше прикажан на фестивалот Hot Docs во Торонто.

Покрај овие два филма, во програмата „Во Фокус“, ќе бидат прикажани филмот на Теона Стругар Митевска „Кога денот немаше име“, ко-продукција помеѓу Македонија, Белгија и Словенија и „Реквием за Г-ѓа Ј.“ на Бојан Вулетиќ, кој е ко-продукција помеѓу Србија, Бугарија, Македонија, Русија и Франција. Двата филма својата премиера ја имаа на Берлинскиот филмски фестивал, во програмата Панорама.

Во селекцијата на Б и Х филмови, ќе биде прикажан филмот „Жаба“, на Елмир Јукиќ, ко-продукција помеѓу Босна и Херцеговина, Македонија, Србија и Хрватска.

 

Синелинк 

Во рамките на Синелинк, како дел од Ко-продукцискиот Маркет, учество ќе земе македонскиот проект „Снежана умира на крајот“, во режија на Кристијан Ристески и во продукција на Вертиго Филмс, а на второто издание од Синелинк Драма, ќе учествува проектот „Враќање во Соренто“, во режија на Ана Цикишвили и во продукција на Сестри и брат Митевски.

Како и изминатите години, Агенцијата за Филм на Рм, веќе традиционално на Ко-продукцискиот Маркет на Синелинк, доделува награда во висина од 10.000 Еур. 

 

Талент кампус

Во рамките на Сараево Талент Кампус, кој се одржува како дел од Сараево Филм Фестивал, ќе учествуваат 4 претставници од Македонија, актерите Игорчо Постолов и Драган Мишевски, режисерот Марко Црногорски и продуцентката Тања Тодорова.