Македонски филмови на Фестивалот на храна и филм во Албанија

03/09/2012

                     

 

На второто издание на Balkan Film and Food Festival, коj започнува денес, 3 септември и трае до 9 септември 2012 година во Поградец, Албанија, ќе бидат прикажани повеќе македонски филмови.

Во вторник на 4 септември на фестивалот ќе бидат прикажани долгометражниот филм „Војната заврши" во режија на Митко Панов, докуметарниот „Македонците во Истанбул" во режија на Елизабета Конеска, како и кратките филмови „Митот за Сара" во режија на Саша Станишиќ и „Девојчето со кибритчињата" во режија на Филип Матевски. Во рамки на фестивалот ќе биде прикажан и анимираниот филм „Народен фронт 12" во режија на Иван Ивановски, а воедно од страна на фестивалот ќе се организира македонски ручек на кој посетителите ќе ја имаат можноста да дегустираат  традиционална македонска храна.

Преку богатата филмска програма од земјите од регионот, каде покрај со проекциите на филмовите земјите од регионот ќе бидат претставени и со традиционални кулинарски специјалитети, фестивалот има за цел да прерасне во збирна точна на филмските љубители и љубителите на уметноста, традицијата и културата на балканските народи.

 

Повеќе информации за фестивалот, ОВДЕ