Отворени повици за аплицирање на работилници во склоп на Фестивалот МакеДокс

03/06/2015

Фестивалот на креативни документарни филмови - МакеДокс отвори повици за аплицирање на работилницата за ритам, музичко интро и ворк-шоуто: Минувајќи низ Балканот.

Работилницата „Музичко интро“ е отворена за сите оние заинтересирани да создадат, снимат или да ја изведат во живо својата оригинална музика за воведната секвенца на култниот филм на Зига Вертов од 1929 година „Човекот со филмска камера“. Краен рок за испраќање на музичко интро е 15 јуни.

Работилницата за ритам е отворена за сите музичари, композитори, режисери, монтажери, тон-мајстори, диџеи и вљубеници во визуелната и перформативната уметност и во документарната форма. Краен рок за аплицирање е 19 јуни.

Во склоп на ворк-шоуто: Минувајќи низ Балканот, на 24 јуни во Куршумли ан ќе се одржи проекција на „Нема бизнис како документарно-филмскиот бизнис. Приказната на браќата Макани“ со музика и нарација во живо.

Повеќе детали можете да најдете ОВДЕ