„Мајки“ го отвори фестивалот во Трст, „Лазар“ во трка за копродуценти и дистрибутери

20/01/2012



Вчера 19 јануари се отвори филмскиот фестивал во Трст со проекцијата на филмот МАЈКИ на Милчо Манчевски. На отворањето беше напоменато дека ова е втор пат да го имаат Милчо Манчевски како гостин на овој фестивал по 1994 година кога покрај тогашниот победник од фестивалот во Венеција филмот ПРЕД ДОЖДОТ, беа прикажани повеќе кратки филмови и видео спотови на овој респектиран автор.
Денес на копродукцискиот филмски маркет WEMW (When East Meet West) кој е дел од фестивалот ќе биде презентиран и филмот ЛАЗАР на Светозар Ристовски кој е селектиран во селекцијата на 10 најсилни проекти кој што веќе биле презентирани на други ко-продукциски Маркети. (филмот беше презентиран на ко-продукциските Маркети на фестивалите во Солун и Софија).