Пред-селекција за Берлинале 2018 во Скопје

16/11/2017

 

Оваа година Пред селекцијата за 68 издание на Берлинскиот Филмски Фестивал, за филмови од земјите од регионот, се одржува во Скопје во период од  15 до 17 Ноември во Скопје. На наше големо задоволство во Скопје гостуваат двајца пред селектори за Берлинскиот Филмски Фестивал, г. Николај Никитин и г. Бернд Будер. Покрај селекторите најавено е присуство и на претставници на националните институции за филм од земјите од регионот.

По повод одржувањето на пред селекцијата во Македонија, Агенцијата за филм на 16 Ноември организира средба на пред селекторите со македонски етаблирани, но и млади автори.

Предселекцијата е во организација на Агенцијата за филм на Република Македонија, а се одвива во киносалата во Кинотеката на Република Македонија.