Краткиот филм “ Брат за еден ден ” - го продолжува фестивалскиот успех

07/09/2016

 

Краткиот игран филм „Брат за еден ден“ на режисерот Стојан Вујичиќ во продукција на Лунар и Дрим Фектори, имаше успешна летна фестивалска сезона. Филмот летото го започна во селекцијата на Arroios film festival во Лисабон-Португалија, фестивалскиот пат го продолжи во официјалната селекција на Los Anglees cine fest - USA, пред само неколку дена беше дел од фестивалот Sila во Италија, за летниот фестивалски успех да го заврши со премиера пред Битолската публика на фестивалот Браќа Манаки.

Главната улога ја толкуваат 7-годишните Леон Кемал и Моника Бошковиќ, заедно со актерите Тони Михајловски и Камка Тоциновски.

Филмот се снимаше минатата година во Скопје, а авторска екипа ја сочинуваат: Директорот на фотографија Димо Попов, костимограф е Раде Василев, автор на музиката е Оливер Димитров, снимател и дезајнер на звукот е Игор Поповски, а продуцент на филмот е Огнен Антов. Режисерот Стојан Вујичиќ во периодов го заврши својот нов краток филм „Допир“, а го подготвува и својот игран филм „Стела“.

Филмот е финансиски поддржан од Агенцијата за филм на Република Македонија.