Почнува снимањето на краткиот игран филм „Несигурна смрт“

Неделава во Скопје започна снимањето на краткиот игран филм „Несигурна смрт“.

Сценариото и режијата се на Петар Џуровски, директор на фотографија е Горан Наумовски а улогите ги толкуваат: Драгана Костадиновска, Димитар Ѓоргиоски, Дејан Лилиќ, Владимир Тулиев и Игор Доневски. Филмот ќе се снима на неколку локации во Скопје во наредните десетина дена.

Проектот е во продукција на Лавиринт Продукција и е поддржан од Агенција за филм на Р. Македонија.