Продолжува фестивалскиот успех на „Борба за смрт“

14/09/2017

 

Краткометражниот игран филм „Борба за смрт“ е селектиран за учество на четири интернационални фестивали кои ќе се одржат во текот на октомври. Филмот ќе ја има својата африканска премиера на Медитеранскиот фестивал за краток филм во Танџиер, Мароко, а во исто време ќе се прикажува во официјална конкуренција на Интернационалниот филмски фестивал во Ханченг, Кина. Филмот е селектиран и на фестивалот „kurz.film.spiele“ во Констанц, Германија, а е дел и од селекцијата на македонски филмови кои ќе се прикажат на фестивалот „Sedicicorto“ во Италија.

Сценариото и режијата се на Елеонора Венинова, продуцент е Гоце Кралевски од ДНФ филмс. Улогите ги толкуваат актерите Мите Грозданов и Илија Струмениковски, а директор на фотографија е Димо Попов.

Филмот е финансиран од Агенцијата за филм на РМ во соработка со Канал 5 телевизија.