Филмот „Исцелител“ селектиран на фестивалот во Талин

02/11/2017

 

Филмот „Исцелител“ на режисерот Ѓорче Ставрески е селектиран во официјална натпреварувачка програма на 21 издание на светски познатиот филмски фестивал во Талин, „Црни ноќи“. Филмот ќе се прикажува во програмата „Први долгометражни филмови“ и ќе има три проекции за време на фестивалот .

„Исцелител“ е прв македонски филм кој ќе биде прикажан на овој значаен фестивал во натпреварувачка програма. Повеќе податоци можете да се најдат на официјалната страна на Филмскиот Фестивал во Талин.